Golwython porc swmpus gyda saets, garlleg a lemwn

1. Defnyddiwch bestl a mortar neu ddysgl a llwy bren i falu gyda’i gilydd y garlleg, pupur du a 6 deilen saets.
2. Ychwanegwch at hyn y sudd a’r croen o 1 lemwn a’r olew olewydd.
3. Rhowch y golwython porc mewn powlen fawr ac ychwanegwch gymysgedd y marinad, a’i daenu dros y golwython i gyd. Gorchuddiwch y bowlen a’i rhoi yn yr oergell am oddeutu 2 awr.
4. Dip Menyn: mewn powlen fach, rhowch y menyn, sudd a chroen ½ lemwn, y caws Parmesan a 5 deilen saets.
5. Rhowch y gymysgedd yn y popty meicrodon am funud neu nes iddi doddi. Trowch y gymysgedd.
6. Coginiwch y golwython ar ridyll, gradell neu farbeciw sydd wedi’i gynhesu’n barod am 6-8 munud bob ochr.

Awgrym ar gyfer gweini: detholiad o lysiau bach y tymor e.e. pys yn eu codau, asbaragws, india corn bach, ffenigl bach i’w dipio – naill ai’n amrwd neu wedi’u plymio i ddŵr berw – a chwlffyn o fara crystiog.